Më shumë se 100 persona në anijen turistike “Caribbean Princess” janë infektuar me norovirus gjatë lundrimit, duke bërë që autoritetet shëndetësore të vendosin masa izolimi për pasagjerët dhe ekuipazhin e prekur.
Sipas Qendrave Amerikane për Kontrollin dhe Parandalimin e Sëmundjeve, 102 pasagjerë dhe 13 anëtarë të ekuipazhit kanë shfaqur simptoma si të vjella dhe probleme gastrointestinale.
Ata janë ndarë nga pjesa tjetër e udhëtarëve për të shmangur përhapjen e mëtejshme të infeksionit.
Anija është nisur më 28 prill nga Florida dhe pritet të përfundojë udhëtimin më 11 maj, ndërsa aktualisht ndodhet në zonën e Karaibeve. Kompania që e operon ka konfirmuar rastet dhe ka bërë të ditur se janë marrë masa të menjëhershme dezinfektimi në të gjitha ambientet e bordit.
Në anije ndodhen mbi 3 mijë pasagjerë dhe më shumë se 1 mijë anëtarë ekuipazhi. Norovirusi është një virus shumë ngjitës që përhapet lehtë në ambiente të mbyllura dhe zakonisht shkakton simptoma që zgjasin disa ditë.
Ndërkohë, autoritetet ndërkombëtare po monitorojnë edhe raste të tjera të raportuara në anije të ndryshme turistike, ku janë shfaqur infeksione të veçanta dhe janë marrë masa të ngjashme sigurie për pasagjerët,